GENSAN- Gihulagway ni Atty. Rey Cartojano nga usa lamang ka “selective political move” ang impeachment proceedings batok kang Bise Presidente Sara Duterte tungod kay ang isyu sa confidential funds dugay na nga ginahimo sa uban pang mga opisyal sa gobyerno.
Gipahayag sa abogado nga mas maayo pa nga isaka na lang ang kaso ngadto sa Senado aron didto na desisyonan isip usa ka impeachment court tungod kay tataw nga kini usa ka political trial.
Bisan pa man og dili siya hingpit nga uyon sa tanang rason sa mga abogado sa bise presidente, giila gihapon niya nga saktong legal strategy ang pag-question sa “ultimate facts” sa reklamo.
Gipasiugdahan usab niya nga dili makiangayon nga himuong prayoridad ang maong kaso samtang anaa sa tunga-tunga sa krisis ang nasod.
Sa katapusan, iyang gipakita nga ang maong proseso sa Justice Committee daw walay igong basehan kon itandi sa naandan nga mga pamaagi sa Commission on Audit.
