Giklaro ni Impeachment Trial Presiding Officer Francis “Chiz” Escudero nga dili obligado si Vice President Sara Duterte nga personal nga motambong sa iyang impeachment trial, tungod kay girepresentahan na siya sa iyang mga abogado.
Matod ni Escudero, walay balaod sa impeachment court nga nagmando nga ang respondent kinahanglan motambong sa mga pagdungog kon dili niya gusto.
Tungod kay adunay na siyang mga abogado nga nagdumala sa iyang depensa, naa na kang Duterte ang desisyon kon gusto ba niyang personal nga motambong sa korte.
Kon gusto sa prosecution nga ipatawag si Duterte aron motestigo, mahimo silang mopasaka og pormal nga mosyon o hangyo sa impeachment court, nga pagahukman pa sa mga senator-judges.
Gihimo ni Escudero ang maong pahayag human mangutana si counsel for the prosecution Atty. Lorna Kapunan sa ikaduhang adlaw sa impeachment trial ning Martes kon motambong ba ang Bise Presidente, human kini namatikdan sulod sa pasilidad sa Senado
