Gikatakda nga mohukom ang Constitutional Court sa impeachment ni South Korean President Yoon Suk-yeol karong Biyernes, Abril 4. Kini maoy pipila ka buwan human siya gisuspende human sa deklarasyon sa martial law niadtong Disyembre 2024.
Una niini, kahinumdoman nga nagpahigayon og daghang impeachment hearings ang korte aron pagtino kon opisyal na bang matangtang sa katungdanan si Yoon.
Bisan pa nga ang Korte sa Konstitusyon mahimo’g magdesisyon hangtod sa Hunyo, kasagaran pipila lang ka semana alang sa korte nga mag-isyu sa mga desisyon sa nangaging mga kaso sa impeachment sa presidente.
Apan sa kaso ni Yoon, ang desisyon mas dugay kaysa gipaabot. Aron matangtang si Yoon sa katungdanan, 8 ka mga mahistrado ang kinahanglang mobotar pabor ug sa higayon nga ang Constitutional Court modesisyon nga pormal nga tangtangon si Yoon sa katungdanan, kini magpahinabog eleksyon nga ipahigayon sulod sa 60 ka adlaw.
Samtang, ang kaalyado ni Yoon nga si Prime minister Han Duck-soo, kinsa gi-impeach usab apan gibalik sa miaging semana, karon nagmando isip acting President human gibasura sa korte ang iyang impeachment case.
