GENSAN – Usa ka sensitibo ug seryosong proseso kung walay klarong legal nga basehan ang impeachment complaint.
Matud ni Atty. Jeng Gacal, ang impeachment kung ipadayon nga walay lig-on nga batakang balaod mahimong hinungdan sa politikal nga kagubot nga makadaot sa kalig-on sa gobyerno
Gipasiugda niya nga ang mga investors posibleng magduhaduha sa pagbubo og kapital o pagnegosyo sa Pilipinas tungod sa kahimtangan sa politika nga makita nilang dili lig-on ug puno sa kontrobersiya, ug dugang pa niya nga ang ekonomiya sa nasod mahimong maantala tungod sa pagkawala sa pagsalig sa mga lokal ug langyaw nga mamumuhunan nga posibleng mosangpot sa kakulang sa trabaho ug hinay nga pagtubo sa ekonomiya
Mitumaw ang pahayag ni Atty. Gacal taliwala sa nagkalain-laing diskusyon ug panawagan bahin sa posibleng impeachment batok sa pinakataas nga opisyal sa gobyerno, ug iyang giingon nga wala’y lig-on ug maayong basehan alang sa impeachment batok kang Presidente Ferdinand “Bongbong” Marcos Jr. ug Vice President Sara Duterte, ug kung ipadayon kini, ang labing maapektuhan mao ang katawhan, ekonomiya, ug pamuhunan sa nasod._ Ang pamahayag ni Atty. Jeng Gacal.
