GENERAL SANTOS CITY – Wala pa nagpagawas sa resulta sa gihimo nga imbestigasyon sa Bureau of Fire Protection kalabutan sa sunog nga natigayon sa Purok 2 Ladol kagahapon sa kadlawon nga nagresulta sa pagkamatay sa lola ug iyang apo.
Kini human masunog ang panimalay ni Milagros Aniñon 64 anyos ug ang dose anyos nini nga apo nga Jasper Aniñon.
Una nga gibutyag ni Alabel Municipal Mayor Vic Paul Salarda nga walay tarong nga connection sa kuryente sa lugar tungod ga series lamang ang mga panimalay sa lugar.
Gani gipasuta pa sa Mayor sa Municipal Enginering Ofice kung ngano gitugtan ang mga residente nga mukuha ug kuryente sa usa lamang ka balay luyo nga peligroso ang pagbaton ug komon nga linya sa kuryente.
Nakita usab sa mayor nga gihigtan ug kadena ang pultahan sa nasunog nga panimalay luyo nga usa lamang ang pultahan tungod nakadikit kini sa pader.
