GENERAL SANTOS CITY – Gimanduan sa labaw sa Sarangani Police Provincial Office ang hepe sa Malapatan Municipal Polce Station nga palawman ang imbestigasyon kalabotan sa pagpamusil patay kay Kagawad Rene Kamid sa Brgy. Lun Pandidu Malapatan.
Matud pa ni Sarangani Provinicial Director P/ Col. Michael Lebanan aduna kini direktiba kay Police Major Benjie Anchita nga paspas nga pagresolba sa kaso ilabina ang pag-ila sa mga responsable og pagsuta sa motibo.
Gibutyag sa opisyal nga ning semana aduna nay maayong resulta sa dagan sa imbestigasyon.
Una niini, gikondena ni Malapatan Mayor Salway Sumbo ang pagpamusil patay kang Kag. Kamid.
Base sa mga nakakita sa insidente, duha kabuok ang suspek kung asa human nga gipusil ang nasampit nga barangay misibat gamit ang motorsiklo.
Kahinumduman nga samtang nangape og namahaw ang biktima sulod sa ilang pinuy-anan misulod ang usa ka wala mailhing lalaki ug gipabuthan pila kahigayon si Kag. Kmaid hinungdan sa iyang hinanaling kamatayon.
