Naglusad na og imbestigasyon ang Transport Police Department sa Kazakhstan human ang pagkahagsa sa Azerbaijan Airlines flight J2-8243 duol sa Aktau City.
Gikan sa capital nga Baku sa Azerbaijan ang eroplano og paingon sa Chechnya region sa Russia.
Ang maong insidente gikamatay sa 38 ka tawo og 29 usab ang survivor lakip ang duha ka bata kung asa 11 niini ang anaa sa kritikal nga kondisyon.
Nakit-an na sa mga otoridad ang blackbox sa maong eroplano aron masayran ang tinuod nga hinungdan sa aksidente.
Adunay katibuk-an nga 62 ka pasahero og lima ka crew members ang maong eroplano kung asa 37 niini ang taga Azerbaijian, unom ang Kazakhstan, tulo ang Kyrgzsta og 16 ang gikan sa Russia.
Tungod usab sa insidente, gisuspende sa Azerbaijan Airlines ang tanang mga flights nila gikan Baku paingon sa Grozny og Makhachkala hangtod mahuman ang katibuk-ang imbestigasyon.
