GENERAL SANTOS CITY – Pormal ng magsugod ang imbestigasyon kalabot sa Road Right Of Way scam sa dakbayan sa adlaw nga Huwebes, Marso 22 og magpadayon sunod adlaw, Marso 23.
Alayun niini, gibutyag ni Mayor Ronnel Rivera sa karon may ‘clear picture’ na matud pa kung asa padulong ang imbestigasyon tungod adunay mga pangalan na nga migawas nga gikaingong nalambigit sa pagpangilad dihang gipahigayon ang consultative hearing aging semana sa pagpanguna ni Senator Manny Pacquiao.
Hinungdan nga gusto sa Mayor nga mapaspasan ang imbestigasyon og masayran ang mga nalambigit aron matubag ang mga pangutana sa mga negosyante lakip na ang publiko.
Ingon man ang masayran kung kinsa ang mga angayang manubag nga mga personalidad.
Sa pamahayag niini, nakaladkad ang pangalan sa GeNsan sa maong isyu luyo nga ang lokal nga panggamhanan ang walay partisipasyon niini tungod dili muagi sa iyang opisina tungod adunay mga national agencies ang nalambigit.
Kahibaluan nga sa miaging Biernes gipahigayon sa komitiba ni Sen. Pacquiao ang consultative hearing kung asa gipatawag ang mga tag-iya sa yuta nga lakip sa maong nahisgutanan.
