Gikondena ni Pangulong Ferdinand Marcos Jr., ang gihimong pagpanghasi sa China sa Philippine Air Force (PAF) samtang nagpatrolya sa Bajo de Masinloc kaniadtong Huwebes.

Sumala sa Palasyo, ilegal og dili makatarunganon ang pagpalupad og flare sa duha ka aircraft sa China sa agianan sa aircraft sa PAF sa lugar samtang nagpahigayon og maritime security operations.

Gani, dili pa halos kalmado ang sitwasyon sa kadagatan, og karon usab gikabalak-an na usab ang posibleng instability sa airspace.

Nagpabilin usab nga baruganan ni Pangulong Marcos kauban sa mga maisugon nga sako sa Armed Forces of the Philippines (AFP).

Gihingusgan sa pangulo ngadto sa China nga mahimong responsable sa aksyon dili lamang sa kadagatan kun dili lakip usab sa kawanangan sa pagresolba sa isyu sa West Philippine Sea (WPS).

Hinuon sumala sa Palasyo, ipadayon sa Pilipinas ang commitment niini sa paggamit og diplomasya og malinawong pamaagi sa pagresolba sa mga wala pagsinabtanay.