GENERAL SANTOS CITY – Padayon pa ang imbestigasyon kung asa gikan ang mga tag-as nga matang sa mga armas nga nakumpiska sa KAPA Founder nga si Joel Apolinario.
Sa pakighinabi sa Bombo Radyo GenSan kang Police Brig. Gen Jose Lito Esquibel, Regional Director sa PRO-13, nga ang mga nasampit nga tag-as nga matang sa armas mga loose firearms o kadtong mga armas nga wala na-renew.
Sumala pa sa nasampit nga opisyal nga adunay nakumpiska nga wala na matud pa gigamit sa mga millitar sama matud pa sa 60 caliber.
Apan gibutyag sa opisyal nga kadtong mga M16 kasamtangan matud pa nga ginagamit sa mga tropa sa militar ug mga kapulisan.
Gibutyag usab ni Esquibel nga aduna sila nadawat nga report nga sumala pa ang ginakuhaan sa maong mga matang sa armas gikan matud sa South Cotabato.
Pagbutyag pa sa opisyal nga nangalap pa sila ug dugang impormasyon kalabut sa nasampit nga report.
