Nagpasang-at ug reklamo si Criminal Investigation and Detection Group (CIDG) chief Police Brigadier General Nicolas Torre III batok kang kanhi Pres. Rodrigo Duterte. Kalabutan kini sa nahimong hulga nsa kanhing presidente nga pamatyon ang mga senador.
Matud kang Torre nga ang kaso nga inciting to sedition ug unlawful utterance nga adunay adunay angay nga silot sa Revised Penal Code ang gisang-at sa Department of Justice.
Gidugang niini nga 15 ka mga senador ang gustong patyon sa kanhi presidente ug gusto niyang bombahan mao nga gipasaka na ang kaso sa Department of Circular 20 alang sa case build-up.
Kay nalatid sa DC nga ang reklamo nga gipasaka sa mga prosecutors ipaubos sa “case build-up” sa dili pa magsugod ang preliminary investigation.
Dugang pa sa CIDG chief nga ang maong mga pamahayag dili angayng tugotan diin ang pagpatay dili usab himoong komedya.
Kahinumdoman nga ang kanhi Presidente nipahibalo sa proclamation rally sa PDP Laban nga iyang patyon ang senador aron ang tanang pambato sa iyang partido siguradong makalingkod.
