Nagpadayon pa karun ang Midsayap Municipal Police Station Intelligence operatives sa pag pangalap ug dugang impormasyon ingon man mga testigo sa maong panghitabo.
Samtang nagapahigayon na usab karun ang mga otoridad ug profiling alang sa posibleng pag dakop sa mga suspetsado.
Nakuhaan na usab sa Midsayap MPS ug pahayag ang biktima ug pamilya niini alang sa dugang mga impormasyon nga magtumbok sa mga mitiro sa biktimang usa ka School Principal nga giilang si Arlyn Dofredo Alcebar, legal ang pangidaron, ug residente sa Purok 1, Barangay Poblacion 5, Midsayap, Cotabato.
Gimanduan na usab ni PLtCol. Oliver Pauya ang Officer in Charge-Chief of Police sa Midsayap MPS nga makig-coordinate sa uban pang mga unit alang sa hot pursuit operation, gipangunahan usab sa hepe ang pag- back tracking sa mga CCTV footages sa lugar.
Kahinumduman nga natigayon ang insidente sa miaging adlaw, Agosto 12, 2025 alas 7:10 sa buntag sa Barangay Agriculture, Midsayap, Cotabato.
Diin sa atubangan mismo sa tulunghaan gitiro ang maong Principal sa duha ka wala mailhing suspek.
Ginasuta pa usab ang nag-unang mga motibo sa pagpamusil samtang ang biktima ang padayon pang naga-paayo sa tambalanan.
