No more room for “imaginary” or ghost projects.”Mao kini ang pasalig ni Department of Budget and Management (DBM) Secretary Amenah Pangandaman kinsa gusto nga ang nasudnong pondo alang sa flood control program sa nasud mahimong ‘visible, functional, and impactful’.
Matod sa Kalihim, siguruhon sa departamento nga walay bisan usa ka sentimo nga ‘nasayang o mausik’ aron malikayan nga masubli ang nahitabo sa miaging semana diin daghang mga lugar sa nasud ang nahimong virtual lagoon ug lanaw tungod sa habagat ug tulo ka bagyo.
Sa laing bahin, gipatawag ni Pangandaman ang mga tag-as nga opisyal alang sa labing una nga tigum sa Special Program Convergence Budgeting Steering Committee (PCB-SC) aron hisgutan ang mga isyu sa pagbaha ug seguridad sa tubig.
Ang panagtigom gitambongan sa mga representante gikan sa Department of Public Works and Highways (DPWH), Department of Environment and Natural Resources, National Irrigation Administration, Department of Energy, Metropolitan Manila Development Authority, UP Research Institute, ug Department of Economy, Planning, and Development (DEPDev).
