Daog ang undefeated International Master (IM) nga si Michael Concio Jr. human makakolekta og 14 puntos gikan sa 15 blitz section sa Bangkok Chess Club Open niadtong Huwebes sa gabii, Abril 17.
Ang 19-anyos nga Filipino chess prodigy mitala og 13 ka daog ug duha ka tabla aron sakmiton ang posisyon bisan pa sa presensiya sa mas taas nga mga titulo sama sa Grandmasters. Iyang gipildi ang Ukrainian GM Vitaly Bernardskiy (13.5) ug IM Dmytro Danylenko (11) sa mga puntos.
Si Concio nakadawat og tropeyo ug 18,000 baht o gibanabanang P30,000.
Naa sa ikaupat nga pwesto si Filipino FIDE Master Christian Gian Karlo Arca nga adunay 10 puntos.
Sa standard division, napildi si Arca sa Macedonian GM Evgeny Romanov sa ikalimang hugna.
Silang duha adunay 4 puntos uban ni Concio, kinsa nagtabla batok kang Czech GM Tomas Kraus. Sila si Romanov ug IM Pau Bersamina (4.5 pts) maoy nangulo, nga mipildi sa Chinese player nga si Wei Yuyang.
Sa ikaunom nga hugna, si Bersamina makigsangka kang Indian GM Babu Lalit, si Concio makigsangka kang German GM Jan Gustafsson, ug si Arca makigsangka kang Thai IM Prin Laohawwirapap.
