GENERAL SANTOS CITY – Pormal nga gi-ablihan sa lokal nga gobyerno sa Heneral Santos ang ikaupat nga Community-Based Antigen Swab Station (CBASS) sa Veranza Mall.
Gitawag kini nga CBaSS48 subay sa Executive Order number 48 series of 2020 sa mayor.
Matud kang Dr. Rochelle Gajete-Oco, Department Head sa City Health Office nga tumong niini nga mapakusog ang pag-detect, screening, og contact tracing sa COVID-19 cases sa pakig-alayon sa mga pribadong sektor sa dakbayan.
Nasayran nga duha ka empleyado ang nasuta nga COVID-positive og asymptomatic ang mga nasampit gikan sa 80 ka mga subjects nga gipailawom sa test.
Gibutyag ni Dra. Oco nga ang duha nga nagpositibo ang naka-isolate na samtang gilayon usab nga gipahigayon ang contact tracing sa mga nahimamat mga nasampit.
