Walay ipresentar nga testigo ang House prosecution panel sa ikaunom nga adlaw sa impeachment trial ni Vice President Sara Duterte karong Miyerkules, Hulyo 15.
Kini human gihangyo sa prosekusyon ang Senate impeachment court nga dili na ipadayon ang testimonya nila Office of the Vice President chief of staff Zuleika Lopez ug House security official Capt. Belinda Bello may kalabotan sa Article IV sa Articles of Impeachment nga naghisgot sa kasong grave threats.
Imbis nga testimonya, paminawon sa impeachment court ang oral arguments bahin sa hangyo nga pag-isyu og subpoena sa bank records, Anti-Money Laundering Council records, ug Bureau of Internal Revenue records ni VP Sara ug sa iyang bana nga si Atty. Manases Carpio.
Ang paghisgot sa Article IV nagsugod niadtong Hulyo 6 ug gilauman nga molungtad sulod sa 11 ka adlaw sumala sa House prosecution panel.
