Gipatin-aw ni General Santos City Mayor Lorelie Pacquiao ang hinungdan sa pagka-delay sa ikatulong hugna sa pag-apod-apod sa 25-kilos nga bugas ngadto sa mga benepisyaryo sa syudad.
Matud sa alkalde, kinahanglan lamang sabton sa publiko ang kalangan sa relief assistance tungod sa epekto sa dili maayong panahon nga nakaapekto sa hapsay nga paghatod ug pag-apod-apod sa mga ayuda.
Gipasabot usab ni Mayor Pacquiao nga ilang giuna ang paghatag sa bugas ngadto sa mga dagkong barangay nga mas daghan og benepisyaryo aron mas episyente ug organisado ang proseso sa distribusyon.
Human niini, ilang ipadayun ang pag-apod-apod ngadto sa gagmay nga mga barangay aron masiguro nga maabot ang ayuda sa tanang kwalipikadong benepisyaryo.
Gihangyo sa alkalde ang pagpailob ug pagsabot sa mga residente samtang padayon ang lokal nga panggobyerno sa paghatag sa gikinahanglang tabang ngadto sa mga pamilya sa syudad
