GENERAL SANTOS CITY – Padayon ang hugot nga monitoring sa mga health officials sa Maitum, Sarangani Province ang ikaduhang kaso sa COVID-19 sa ilang lugar.
Matud pa kang Maitum Mayor Bryan Reganit nga usa ka babaye ang nasampit nga pasyente nga gikan sa kauhuhang Manila.
Pagbutyag pa ni Mayor Reganit nga walay sintomas ang maong pasyente nga usa ka locally stranded individual (LSI).
Sumala pa sa maong mayor nga gisugat sa airport ug dayon gidala sa isolation center.
Sa pagpahigayon sa rapid test nasayran nga positibo sa maong sakit ang nahisgutang LSI.
Gibutyag usab ni Mayor Reganit nga tungod sa padayon nga bahad sa COVID-19 nagpahigayon siya ug meeting sa mga barangay kapitan aron sila ang magbantay sa mga musulod ug mugawas sa ilang area.
Gikadugang pa niini nga may uban ang dili gayud muagi sa mga checkpoint kay tungod maglakaw lang.
Iyang gisultian na ang mga kapitan nga ugaling adunay tawo nga muabot sa ilang lugar angayan nga ireport dayon aron mahatagan ug aksyon.
Kahibaluan nga kini ang ikaduhang kaso sa C0VID 19 sa Maitum.
Sa Sarangani upat ang natala nga tag usa sa Alabel og Glan.
