GENERAL SANTOS CITY – Wala makaya ni kanhi DPWH 12 Director Reynaldo Tamayo Sr ang gibato nga isyu ni Roberto Catapang ang whistle blower sa P2.8 B RROW hearing.
Kini human gitudlong responsable si Engr Tamayo Sr sa pagpirma sa mga voucher hinungdan nga dali nga napagawas ang pundo gikan sa DPWH.
Kini human gialegar ni Catapang nga nakahibalo si Tamayo nga gipeke ang mga papeles pinaagi sa paggamit ug peke nga mga card.
Bug-at alang kang Tamayo ang gibuhi-ang pahayag sa whistle blower nga gahimo ug mga appraisal report, vicinity map, sketch plan ug daghan pa aron mapadali ang paggawas sa pondo.
Apan tubag sa kanhi Director nga 2012 dihang nahitabo ang pagbayad sa una hangtud ikatulo nga voucher luyo nga atoa pa kini nadestino sa DPWH 11.
Mibalos pa kini pagbutyag nga gisundog ang pirma sa namatay nga apuhan hinungdan nga giimbestigahan sa Ombudsman ang DPWH.
Naguba matud pa ang kadungganan sa iyang pamilya dungan sa pagtindog apan napugngan ug gihatagan ug tubig ug gipahiran ug towalya.
Giangkon usab niini nga dili niini kaila si Catapang tungod karon lamang niya kini nakita.
Karong adlaw madugangan ang mga Senador nga mutambong sa hearing luyo nga silang Pacquiao lamang ug Pimentel ang anaa sa unang adlaw sa hearing.
Samtang, dili angayan nga mubayad ang gobyerno sa mga proyekto sa DPWH nga nalambigit sa road right of way scam.
Kini ang gibutyag ni Senador Pacquiao atul sa hearing nga gipatawag sa Senado kagahapong adlawa, matud niini nga mabayaran lamang ang maapekt uhan sa proyekto kung ang gihimo sa DPWH 8 lanes nga dalan.
Migawas sa imbestigasyon nga 3 lanes lamang ang pinakalapad nga dalan ang gihimo sa DPWH sa palibut sa dakbayan hinungdan nga nalinla ang gobyerno.
Kini ang nahimong hisgutanan dihang gipangutana sa Senador si RTC 37 Judge Panambulan Membiza nga nagpagaw as ug mandamus aron mapadali ang pagpagawas sa pundo nga mukapin sa P110M gikan sa DPWH isip bayad sa mga peke nga mga claimants.
Midepensa usab si Judge Membieza sa iyang mandamus tungod gibasi lamang sa mga papeles nga gipresenta sa iyang buhatan.
Una nang gidungog-dungogan ni Senador Koko Pimentel si Membiza nga biktima sa peke nga papeles ug kinahanglan nga susihon pag-ayo. Gumikan matud pa sa mandamu nahimong sayon ang pagpagawas sa pondo.
Gisaysay usab ni Nelia Casa, taga-Koronadal, usa ka legitimate nga claimant, ang nahimong gitanyag kaniya alang sa pagproseso sa iyang claim, kung asa wala matud pa niya gidawat.
Kini gumikan sa gitanyag kaniya, 30 percent lamang matud pa ang iyaha, samtang 70 percent sa grupo nga magproseso. Atul kini sa gipahigayon nga unang adlaw sa Senate hearing may kalabutan sa Road right-of-way scam, kung asa gibutyag niini nga ang iyang yuta tabok sa national highway, atubangan sa usa ka state college.
Sumala pa nga sa iyang nahinumduman, usa ka babaye ang nagtanyag kaniya sa 30-70 nga binahinay, nga may Forro nga middle name, ug muslim ang pangalan.
Una niini, 2008 matud pa kaniadtong nakaabot kaniya ang claim sa road right of way, apan walay nahitabong binayranay.
Hunyo miaging tuig, miadto matud pa siya sa DPWH aron susihon kon ang iyang yuta nabayran. Apan gitawag matud pa siyang hoax ug gi-refer sa usa ka atty liwagon, ug sa usa ka Roger Edukayon.
Gitudluan matud pa siya kon unsaon pag-claim, apan nakurat na langug nangutana gumikan nahibulong nganong siya man ang tag-iya sa yuta, apan nganong may SPA sila nga gihuptan.
Gihatagan matud pa siya ug basic requirements sa pag-claim, sketch plan, division plan, ID, ug uban pa, nga may sinulatan ni Edukayon, kay lagi, buot unta niyang magpatabang unta alang sa subling pag-claim sa iyang gipanag-iyahan nga luna.
Kahibaluan nga magpadayon karong adlawa ug gilaumang mas mahimong init pa ang diskusyon sa nahisgutang Senate Inquiry may kalabutan sa Road Right-of-Way Scam dinhi sa dakbayan.
Ug gani, gilaumang muabot karong adlawa si Senate Blue Ribbon Committee Chairman Richard Gordon. Alas-10:00 sa buntag gikatakdang magsugod ang ikaduhang hugna sa pagdungog, didto gihapon sa Sangguniang Panglunsod session hall.
Matud ni Sen. Manny Pacquiao, Chairman sa Committee on Infrastructure sa konseho nga siya daghan pag ipangutana sa ilang mga giimbitahan nga mga resource person kalabutan sa isyu.
Sumala pa nga sa 20 ka panid nga pangutana ang iyang giandam, ug gamay pa lang niini ang iyang napangutana, kagahapong adlawa.
Kahibaluan nga pipila sa mga gipatawag mao silang si DPWH former Regional Director Reynaldo Tamayo, Judge Pamambulan Membieza, representante sa DENR, mga witness ug claimants, ug mitambong usab si whistle blower nga si Roberto Catapang, ug daghan pa.
