GENERAL SANTOS CITY- Hinumdumon karong adlaw, Hulyo 29 ang ika-72 ka tuig nga death anniversary ni Gen. Paulino Santos.
Alayun niini, magkatigom ang mga Pioneers and Descendants of General Santos alang sa simpleng programa nga ipahigayon.
Una nang gikanayon sa tigpamaba sa mga nahisgutan nga si Chona Ariola nga magpahigayon karong buntag og military honors sa monumento ni General Santos sa may Plaza ng Heneral Santos dungan niini ang paghalad usab og bulak.
Gilauman ang pagtambong sa mga opisyales sa lokal nga panggamhanan og daghan pa.
Gibutyag pa ni Ariola, may ipahigayon usab nga quiz bee aron malab-as sa mga batan-on ang nahimong kinabuhi ni Gen. Santos og ang mga nahimo sa dakbayan.
Si Gen. Santos, ang gikonsiderang amahan sa dakbayan sa Heneral Santos.
Una niini, gikadismaya sa mga Pioneers and Descendants of General Santos nga gilangkat ang koral nga gapalibot sa monumento ni Gen. Santos sa Plaza ng Heneral Santos.
Si General Santos ang gipakatawo kaniadtong June 22, 1890 ug namatay kaniadtong August 29, 1945 gumikan sa gutom ug pneumonia.
