GENERAL SANTOS CITY – Matigayon karong adlawa ang pagsaulog sa ikatulong tuig sa selebrasyon sa Blaan Day. Nasayran nga mukabat ngadto sa P400,000 ang gigahin nga pondo sa lokal nga panggamhanan alang sa daghang aktibidad.
Matud ni Atty. Doan Balboa ang executive assistant sa City Mayors Office ang tanang aktbidad ang musentro sa pagpreserba sa kultura sa mga kaigsuonang Blaan.
Pagkakaron, nagkatigom na ang mga musalmot sa aktbidad alang sa ipahigayong parada gikan sa oval plaza lahos ngadto sa SM mall.
Apan una ang tanan may gipahigayon nga ritwal sa Oval Plaza. Labing una usab nga mahitabo atul sa ikatulong tuig sa Blaan Day karong adlawa ang float parade nga apilan sa 14 ka mga partisipante.
Matag barangay nga may mga IPs ang gilauman nga magpadala og 50 ka partisipante.
Kahibaluan nga deklarado nga special non working holiday karong adlawa alang sa maong kasaulogan aron mahatagan og kahigayunan ang mga kaigsuonang Blaan nga magsaulog.
Aduna usab ipahigayon nga pageant alang sa mga kababainhang Blaan nga mao ang search for model blaan woman.
Samtang makit-an ang kultura sa mga kaigsuonang Blaan sa gipahigayong exhibit sa mall.
Ang mga giimbitahan nga bisita mao silang Mayor Ronel Rivera, Congressman Jun Acharon lakip na si Sen Manny Pacquiao.
