Na-recover na ang ikaduhang black box sa Air India plane nga nahagsa sa Ahmedabad, India niadtong Hunyo 12, nga mipatay sa 279 ka tawo.
Sa usa ka pahayag, ang senior aide ni Punong Ministro Narendra Modi nga si PK Mishra mikumpirma nga ang cockpit voice recorder, nga nahimutang sa overhead instrument panel tali sa duha ka mga piloto, nakit-an ug gisiguro.
Kahinumduman nga ang unang black box o ang flight data recorder na-recover niadtong Biyernes, usa ka adlaw human sa pagkahagsa sa ayroplano. Ang flight data recorder, nga naa sa tail section sa Air India plane, nagpabiling wala o nadaot sa dihang nahagsa ang eroplano.
Gipaabot nga mapadali ang imbestigasyon sa hinungdan sa pagkahagsa sa ayroplano human mabawi ang duha ka black box.
Kahinumduman nga usa lang ka pasahero ang naluwas sa 242 ka mga pasahero ug tripulante nga sakay sa Air India Boeing 787-7 Dreamliner samtang 38 ka mga tawo ang namatay sa yuta o nadasmagan sa eroplano sa residential hostel sa BJ Medical College pipila ka gutlo human kini milupad.
