Gipanguluhan ni Presidente Ferdinand R. Marcos Jr. ang ika-124 nga Police Service Anniversary Celebration nga gipahigayon sa Philippine National Police (PNP) Grandstand sa Camp Brigadier General Rafael T. Crame, Quezon City, ning adlawa.
Usa sa gipasigarbo ni PNP Chief General Nicolas Torre III ang pagpakita sa kalihukan sa walo ka PNP patrol vehicles nga nagrepresentar sa ebolusyon sa transportasyon ug mobility sa kapulisan.
Sa wala pa ang seremonya, mibisita si Presidente Marcos sa PNP Command Center (PCC) diin iyang gipasabot ang 5-Minute Response Time sa PNP pinaagi sa live nga demonstrasyon sa operasyon.
Gipakita usab ni PNP Chief Nicolas Torre III ang mga video sa mga bag-ong kalampusan sa operasyon gamit ang drone ug body-worn cameras (BWCs).
Sa pagkakaron, 800 sa 2,696 ka BWCs ang maka LIVE STREAM VIDEO samtang ang uban limitado sa pagrekord. Anaa sa PCC ang 40 ka miyembro sa PNP 911 Emergency Response Team.
