GENERAL SANTOS CITY – Gipangandaman sa buhatan sa Department of Labor And Employment (DOLE) Regional Office 12 ang mga nagkalain laing aktibidad alayon sa selebrasyon sa ika-122 ka tuig nga Labor Day karong umaabot nga Mayo 1, 2024.
Kini human nakatotok ang ahensiya sa mga aktibidad sa mga mamumuo nga katambayayong sa pagpalambo sa ekonomiya sa nasud . Sumala sa DOLE angayan nga hatagan ug pag-ila ang naasoy nga sektor .
Usa sa aktibidad ang pagpahigayon ug symposium aron mahibaw-an sa mga nahisgutan ang ilang mga katungod isip mga trabahante aron mapanalipdan ang ilang kaugalingon aron dili mabiktima sa pagpangabuso sa ilang mga employer.
Dili usab mawala ang naandan nga pagpahigayon ug Job fair aron tabangan kadtong mga walay trabaho nga makapangita ug kasudlan nga trabaho.
Tema karong tuiga mao ang “Manggagawang Pilipino, Kabalikat at Kasama sa Pag-asenso”.
