GENERAL SANTOS CITY – Subling misaka ang ihap sa mga batan-on nga sayong nabuntis.
Kini ang gikumpirma ni Judith Janiola sa City Population Management Office sa pakighinabi sa Bombo Radyo GenSan.
Hinungdan nga nagpadayon matud pa ang ginapahigayon nila nga Comprehensive Sexuality Education, nga usa ka bag-o nilang programa.
Gikabutyag nga sa karon gapabata nga gapabata ang mga batan-ong nga sayong namabdos.
Miubos matud pa ang ihap sa natala nga teenage pregnancy sa siyudad miaging tuig apan subli na usab nga misaka.
Ug gani, matud ni Janiola, ang Brgy. San Jose ang maoy adunay labing daghang teenage pregnancy nga natala.
Gatuo matud pa sila nga may kalabutan gayud niini ang kultura ug kakulangon sa edukasyon.
Hinungdan nga sa maong barangay nila gipahigayon ang unang hugna sa Comprehensive Sexuality Education, aron matudluan ang mga kabatan-unan sa maong lugar.
