GENERAL SANTOS CITY – Miubos ang ihap sa palusot sa mga ginabas nga kahoy sa Sarangani kini human gikumpirma sa mga residente nga mikunhod ang kalihukan sa pagpamutol ug pagtransport sa mga ginabas nga kahoy paingon sa dakbayan.
Giangkon ni PENRO Officer Rolando Tuballes nga ang pag-ubos sa volume sa madakpan nga kahoy kung ikumpara sa milabay nga katuigan ang pagkumpiska sa Task Force Kalikasan nga kadaghanan niini nga hard wood.
Kini human nagpagawas ug confiscation order ang DENR pinaagi sa adjudication proceedings aron kapuslan sa publiko aron adunay magamit sa ilang proyekto.
Plano usab nga iapil sa Task Force Kalikasan ang Bureau of Fisheries and Aquatic Resources(BFAR), PNP Maritime ug Philippine Coast Guard aron hingpit nga mababagan ang pagtransport ug kahoy gikan sa kabukiran.
Kahinumduman nga duha ka mga tawo ang gikasuhan sa pagpalusot sa 30,000 bd. feet sa hard wood.
