Nakaabot na sa 23 ka tawo ang namatay tungod sa epekto sa Southwest Monsoon o Habagat ug sa mga niaging bagyong Luis ug Maymay, sumala sa Office of Civil Defense o OCD.
Base sa datos sa ahensya alas-6 sa buntag, 15 sa mga namatay gikan sa Benguet, samtang tulo matag usa sa Rizal ug Batangas. Aduna usab usa nga namatay sa Quezon.
Lakip sa mga gikatahong hinungdan sa pagkamatay ang landslide, pagkalumos, rockslide, pagkatumba sa kahoy ug pagkakuryente.
Samtang, 17 ka tawo ang nasamdan sa Ilocos Sur, Benguet, Abra, Rizal ug Cavite. Tulo usab ang padayong gihatagan og report nga missing, nga pawang gikan sa Batangas.
Sumala sa OCD, naapektuhan sa mga weather disturbance ang pipila ka bahin sa Luzon, Visayas ug Mindanao.
Sa kinatibuk-an, 1,410,800 ka pamilya o kapin 4.9 milyong indibidwal ang naapektuhan sa Habagat ug sa duha ka bagyo.
Adunay 9,101 ka pamilya o 31,456 ka tawo nga temporaryong nagpuyo sa 407 ka evacuation centers.
Samtang, 1,845 ka balay ang nadaot, diin 178 niini ang hingpit nga naguba.
Miabot usab sa kapin P689.6 milyon ang gibanabangang kadaot sa sektor sa agrikultura.
Sumala sa PAGASA, magpadayon ang epekto sa Habagat sa Luzon ug kasadpang bahin sa Visayas kagahapon, Dominggo, nga magdala og kalat-kalat nga pag-ulan ug thunderstorms sa pipila ka lugar.
