Gikumpirma sa Chamber of Automotive Manufacturers of the Philippines Inc. ug sa Truck Manufacturers Association nga mikunhod ang ihap sa mga namalit og sakyanan niadtong Abril.
Miabot matud pa kini sa 37,314 ka mga yunit kansa mas ubos og 0.4 percent kumpara niadtong Marso nga anaa sa 37,474 apan mas taas gihapon kini kumpara sa susamang bulan sa miaging tuig.
Gibutyag ni CAMPI President Rommel Gutierrez nga ang ‘positive consumer’ ug ‘business confidence’ maoy rason nga dili kaayo dako ang pagkunhod sa ihap sa mga namalit og sakyanan.
Malaumon ang maong mga grupo nga sa mga musunod nga mga bulan musaka pa kini.
