Nadugangan pa ang mga kongresista nga mipirma sa ikaupat nga impeachment complaint batok kay Vice Pres. Sara Duterte.
Kini ang gibutyag nilang House Assistant Majority Leader Zia Alonto Adiong, og Rep. Rodge Gutierrez, nga usa sa mga miyembro sa House Prosecution Team.
Gibutyag sa mga magbabalaod nga may mga kaubanan sila nga gusto pang mugukod para mahimong complainant sa reklamong impeachment kontra sa bise presidente.
Sa kamatuoran, sa ilang ihap, anaa sa 239 na ang katibuk-ang pirma.
Hinuon, ang desisyon kung iapil pa ba o dili ang mga migukod ang nakadepende sa rules sa Senado, nga mutindog nga impeachment court.
Sa karon anaa sa 215 ang orihinal nga mipirma ug endorsers sa maong impeachment complaint, lampas kini sa requirement nga 1/3 sa tibuok miyembro sa Kamara para mapa-impeach ang bise presidente og masaka kini sa Senado.
