Nagkagadhan ang gidaghanon sa mga scam sa tawag sa telepono kompara sa text scam.
Naalarma ang Cybercrime Investigation and Coordinating center (CICC) sa pagdaghan sa mga call scam base sa taho sa anti-scam app nga Whoscall.
Ang taho nag-ingon nga ang mga text scam nagpabilin nga nag-unang problema sa 648,239 nga mga mensahe sa scam nga natala sa app sa unang quarter sa 2025.
Mas ubos kini sa 1,143,268 nga mga mensahe sa scam sa parehas nga panahon sa miaging tuig o 43.3% nga pagkunhod sa tuig-sa-tuig.
Apan ang mga call scam misaka og 225.17% gikan sa 108,157 sa unang quarter sa miaging tuig ngadto sa 351,699 niadtong Enero hangtod Marso 2025.
Matud ni Scam Watch Pilipinas Co-Founder Jocel de Guzman niingon nga daghang mga mangingilad daw lehitimo, hinungdan nga dunay mga biktima nga nahulog sa ilang mga tanyag.
Ang CICC naghimo usab karon og mga guidelines alang sa high-tech nga app nga gigamit sa mga ahensya sa gobyerno, stakeholder partners ug bisan sa media cabs sa pag-verify kon lehitimo ba o kasamtangan ang mga litrato o video sa social media.
Nagplano ang ahensya nga ilunsad ang proseso sa akreditasyon sa umaabot nga mga semana.
