Gilampaso ni Iga Swiatek si Amanda Anisimova, sa score nga 6-0, 6-0, aron makab-ot ang iyang pinakaunang titulo sa Wimbledon nga nagbilin og marka sa kasaysayan sa Open Era sa tennis.
Ang eighth-seeded Polish star mao na karon ang unang babaye nga naka-daog sa Wimbledon finals pinaagi sa double bagel (6-0, 6-0) sukad nagsugod ang Open Era.
Sa Grand Slam history, ang laing kaso niini mao lamang sa 1988 French Open diin gi-pildi ni Steffi Graf si Natasha Zvereva sa kaparehas nga score.
Sa sulod lang sa 57 minutos, si Swiatek nakaconvert og unom sa siyam ka break points, samtang nakabuhat lang og 11 ka unforced errors layo sa 24 ka sayop ni Anisimova.
Ang maong kadaogan ni Swiatek nagpamatuod sa iyang determinasyon, nga mas nailhan na sa iyang profession.
Kaniadtong 2021, gipildi ni Swiatek si Karolina Pliskova, usa ka kanhi world number one, sa Italian Open final sa parehas nga score nga 6-0, 6-0.
Karong tuiga lang, 12 ka players na ang napildi ni Swiatek og set nga 6-0, lakip silang
Dayana Yastremska (duha ka beses)
Emma Raducanu
Belinda Bencic
Victoria Azarenka
Sa Australian Open sa miaging Enero, nakaparehistro siya og 6-0 sets sa tulo sa unang upat niya ka dula, nga nagpamatuod sa iyang dominasyon sa hard court.
Karon, nakita na usab ang parehas nga porma sa grass court, ilabi na sa iyang historic double bagel win batok kang Amanda Anisimova sa Wimbledon finals.
