GENERAL SANTOS CITY – Nadakpan na sa City Drug Enforcement Unit ang usa sa gikunsidera nga idlas nga drug pusher nga naglihok sa syudad, kini human masikop sa buybust Operation nga gipahigayon nilang Police Sr. Instr. Oliver Pauya.
Gikumpirma ni Pauya nga dugay na nilang target ang nagpangalan ug Levi Intig nga residente sa Doña Soledad subdivision Labangal ning syudad.
Niadtong Nobyembre pa gipanid-an ang kalihukan sa suspek apan kagahapon nakuhaan kini ug upat ka sachet sa gidili nga druga.
Gawas niini nakuha usab kang Intig ang mark money nga P500.00 . Gibutyag usab ni Sr. Instr Pauya nga miaging tuig nakadagan sa gihimong operation ang suspek ug dugay nga nagtago sa otoridad.
Lakip nasikop ang duha ka kauban sa suspek nga silang Jerry Castro nga taga Koronadal City ug Tonton Ismael nga taga Doña Soledad.
Kaso sa pagsupak sa Section 5 kon pagbaligya sa Comprehensive dangerous drugs act of 2002 ang ipasaka batuk sa mga dinakpan.
