Usa ka talagsaon nga ice cream ang nag-viral karon gikan sa usa ka kan-anan sa daplin sa dalan sa Iwate Prefecture sa Japan: soft-serve ice cream nga gisagolan og preskong talaba ug toyo.
Bisan sa unang tan-aw, ang tam-is nga gatas sa ice cream ug preskong talaba daw dili maayong kombinasyon, kadtong nakatilaw na sa pinakabag-o nga summer dessert sa Michino-eki Yamada nag-insister nga angayan kini sulayan. Tungod sa kakuryuso, ang maong kan-anan dali nga gibahaan sa mga tawo nga gustong makasinati sa talagsaon nga lami nga dala niini.
Kini nga talagsaon nga pagkaon adunay base sa gatas nga soft-serve ice cream nga gibutangan og preskong talaba gikan sa Yamada Bay, ug gibutangan og espesyal nga toyo. Samtang kini mahimong dili ang labing lamian nga paghulagway alang sa usa ka dessert, ang kombinasyon sa preskong seafood, katam-is sa gatas, ug kaalat sa toyo siguradong makapukaw ug makapatingala sa mga lami.
Sa dihang ang mga litrato ug video sa ice cream nagsugod sa pagkaylap sa social media, daghan ang wala makatuo. Ang uban naghunahuna pa gani nga kini gihimo lang sa AI ug dili tinuod nga pagkaon.
Ang Michino-eki Yamada gilauman nga magpadayon sa pagserbe sa ilang oyster-infused ice cream sa tibuok ting-init.
