Nagsumite na ang International Criminal Court (ICC) Registry sa mga aplikasyon gikan sa mga biktima nga gusto motambong ug mopartisipar sa pre-trial proceedings batok kang kanhi Presidente Rodrigo Duterte.
Kini nga lakang nagtimaan nga mas nagkadool ang pormal nga proseso sa ICC kalabot sa mga pasangil batok sa kanhi presidente may kalabotan sa giyera kontra droga sa iyang administrasyon.
Ang mga aplikasyon nga gisumite nagrepresenta sa mga biktima ug pamilya nga mitugot nga ipaabot ang ilang tingog ug interes sa maong proseso.
Sumala sa ICC, importante nga mapaminawan ang bahin sa mga biktima aron masiguro nga makita sa korte ang epekto sa mga kalihokan sa giyera kontra droga ug aron mapakita nga adunay tinud-anay nga partisipasyon gikan sa mga apektado.
