Giklaro ni International Criminal Court (ICC) Prosecutor Karim Khan nga walay rason nganong tangtangon siya sa pagdungog sa kaso ni kanhi Presidente Rodrigo Duterte.
Matod niya nga nagpadayon pa ang iyang plano nga manguna sa kaso isip prosecutor.
Gisultihan sa Prosecutor ang Pre-Trial Chamber nga walay basehan nga matangtang si Khan.
Kini maoy tubag ni Khan sa hangyo sa kampo ni Duterte nga i-disqualify siya tungod sa kapakyas pagbutyag sa iyang conflict of interest.
Matod sa kampo ni Duterte, si Khan nirepresentar sa 100 ka biktima sa giingong extrajudicial killings sa nasod niadtong 2018.
Giklaro sa piskaliya nga dili sila direktang nalambigit sa imbestigasyon ug bisan sa pag-interbyu sa mga biktima apan niapil sila sa pagtuon ug pagpresentar niini kang kanhi Prosecutor Fatou Bensouda.
