Gisalikway sa Pre-Trial Chamber I sa International Criminal Court (ICC) ang apela sa defense team ni kanhi Presidente Rodrigo Duterte nga balihon ang desisyon nga nagdeklarar kaniya nga “angay” o makahimo sa pag-apil sa mga pre-trial proceedings.
Sa desisyon nga gi-isyu niadtong Biyernes, Pebrero 13, ang chamber miingon nga ang argumento sa depensa, nga ang panglawas sa kanhi Presidente mahimong nagkagrabe atol sa husay, usa ka espekulasyon ug pangagpas lamang.
Giklaro usab sa ICC nga ang miaging desisyon niini niadtong Enero 26, 2026 bahin sa iyang kahimsog sa pag-atubang sa pre-trial proceedings dili usa ka katapusang paghukom sa iyang kahimsog sa pag-atubang sa husay.
Nangatarungan kaniadto ang kampo ni Duterte nga ang proseso dili patas ug nga ang “obhetibong mga kamatuoran” sa pagkadaot sa memorya sa kanhi Presidente wala tagda.
