Wala giaprobahan sa International Criminal Court (ICC) ang personal nga pagbisita kang kanhi Presidente Rodrigo Duterte atol sa upat ka adlaw nga pre-trial nga “confirmation of charges” hearings batok sa kanhi Presidente.
Sumala sa pamilya ni Duterte, ang ICC nagtugot lang og mga tawag sa telepono.
Samtang, gikumpirma nga unom ka abogado ang motambong sa hearing aron masiguro nga si Duterte mapresentar sa hustong paagi sa mga abogado nga Pilipino. Kini naglakip nila ni Atty. Salvador Medialdea, Atty. Martin Delgra III, Atty. Silvestre Bello III, Atty. Alfredo Lim Jr., Atty. Caesar Dulay, Atty. Salvador Panelo.
Niining bahina, gipasalamatan sa pamilyang Duterte ang legal team sa kanhi Presidente sa ilang padayon nga serbisyo ingon man ang komunidad sa mga Pilipino sa The Hague nga nagsuporta ug nagpakabana kang Duterte.
Samtang, ang mga hearings sa kumpirmasyon sa mga kaso ipahigayon gikan sa Pebrero 23 hangtod 27. Sumala sa website sa ICC, magsugod kini gikan sa alas 10 sa buntag hangtod alas 3 sa hapon sa The Hague ug gikan sa alas 5 sa hapon hangtod alas 10 sa gabii. sa Pilipinas.
