Hustisya, singgit sa pamilya sa 2-anyos nga batang patay nga nakit-an human na-missing

BUTUAN CITY – Hustisya ang singgit sa pamilya sa 2-anyos nga batang babaye nga nakit-an nga wala nay kinabuhi kilid sa supa sa Brgy. Tagongon, lungsod sa Tagbina, Surigao del Sur human kini na-missing ning nakalabayng adlaw.

Nasayran nga sayong nakamata ang biktima tungod kay sayo usab nga mimata ang iyang mga ginikanan nga nagtrabaho sa usa ka kompanya sa saging.

Gitu-uhang gidagit kini gumikan sa kalayo sa na-abtan sa iyang patay’ng lawas gikan sa ilang pinuy-anan.

Naghanyag na karon ang lokal nga kagamhanan sa Tagbina og P200,000 alang sa makatudlo ug sa tawong katapusang nakita nga ka-uban sa biktima aron kini patubagon sa iyang nahimong salaud ug masuta ang hinungdan sa iyang kamatayon.