GENSAN- Nakab-ot na ni Cindy Rose Villena ang hustisya human sa 12 ka tuig, nga naghatag og dakong kalipay sa iyang pamilya ug mga higala.
Gipahamtang ang tibuok kinabuhi nga pagkabilanggo sa suspetsadong nailhang si Alyas Norhan nga mipatay sa mass communication student, nga karon nagpabilin sa Davao Prison & Penal Farm.
Kahinumduman nga napalgan nga wala nay kinabuhi ang biktima sa kasagbutang bahin sa Barangay Labangal, General Santos City, niadtong Enero 24, 2014.
Sumala sa pamahayag ni Ret. Gen. Willie Dangane Sr., kanhi City Director sa GSCPO nga sa kaniadtong panahon nga siya pa ang City Director, ang iyang opisina nagpadali sa imbestigasyon ug gisiguro nga walay kalangay sa pagdakop sa suspetsado, nga mao usab ang nagpahimutang sa dalan padulong sa hustisya alang kang Villena.
Gibutyag usab sa igsoon ni Villena, pinaagi sa usa ka social media post, nga human sa taas nga panahon, hingpit na nilang nabati ang hustisya, nga mas magduot pa sa responsable sa brutal nga krimen.
