GENERAL SANTOS CITY – Sikop ang mga suspek sa pagpusil-patay sa usa ka pulis nga si PCpl. Razul Alongan.
Sumala pa ni Col. Jomar Alexis Yap, city director sa GSCPO nga gihimo ang hot pursuit operation sa naghiusang pwersa sa kapulisan sa rehiyon dose hinungdan sa pagkasikop kang Jengilo Sotto alyas Boyaks, 30-anyos nga residente sa Prk. Cogonal, Brgy. Poblacion, Alabel, Sarangani, Province ug kanhing miyembro sa rebeldeng grupong NPA ilawom sa Guerrilla Front 71 ug Guerrilla Front 75 sa Far South Mindanao Region.
Gidugang ni Yap nga naaresto ang nasampit nga suspek alas 9:06 sa buntag Abril 22 sa Brgy. Klinan 6, Polomolok, South Cotabato.
Sumala pa nga gisulayan sa suspek nga musibat ug mutago sa Sitio Acfaon, Brgy. Bunao, Tupi, South Cotabato.
Sa pakig-alayon sa mga otoridad sa probinsya miresulta sa pagkasikop sa suspek.
Samtang nasikop na usab sa kapulisan sa Gensan ang babayeng gikaingong mastermind sa pagpatay sa nasampit nga pulis kon asa anaa usab sa crime scene subay sa nakuhang CCTV footage.
Mapasalamaton si Yap sa kooperasyon sa tanan ug gibutyag nga dakong tabang gayud ang cctv sa mga establisyemento.
Sa adlawng Lunes, ipasang at na ang kaso batok sa mga suspek.
