GENERAL SANTOS CITY – Gideklarang special non-working holiday ang June 15, adlaw’ng Biyernes, dinhi sa dakbayan sa Heneral Santos.
Base kini sa Proclamation No. 503 nga gipagawas sa Malacañang pinaagi ni Acting Executive Secretary Michael Ong, nga may petsa nga May 24, 2018.
Tumong niini aron kahatagan ug kahigayunan ang katawhan sa GenSan nga makigduyog ug mupartisipar sa pagsaulog sa siyudad sa ika-50 ka tuig kon Golden Charter Anniversary.
Kahibaluan nga hugot na ang pagpangandam sa lokal nga panggamhanan sa siyudad alayon sa maong okasyon, kung asa matud kang Cora Tito, division chief sa tourism division sa CEMCDO, usa ka adlaw ang maong aktibidad kung asa bongga ang okasyon.
Sa buntag ipahigayon ang civic military parade nga magsugod alas 5:00 sa buntag.
Ang usa ka grupo ang manukad sa Queen Tuna Park ug ang laing grupo sa General Paulino Santos Park.
Pwedeng muapil ang nagkadaiyang mga pribadong organization o opisina lakip na mga establismento.
Adunay 50 ka mga kabay0 nga iparada pinaagi sa Pioneers and Descendants of General Santos nga nagsimbolo nga 50 na ka tuig ang kamugnaan sa siyudad.
