Takdang ipakita sa kampo ni Bamban Mayor Alice Guo ang mga hulagway sa iyang inahan sa sunod nga pagdungog sa Senado aron pagmatud-an nga siya usa ka Pilipino.
Matod sa abogado ni Mayor Guo, nga si Atty. Stephen David, nanghinaot sila nga mopatim-aw ang Inahan sa Mayor nga usa ka Filipino aron ipa-DNA test.
Una nga gibutyag ni retired Supreme Court Associcte Justice Vicente Mendoza nga wala magkita si Mayor Guo ug ang iyang Inahan sukad sukad sa pagkabata.
Kahinumdoman sa hearing sa Senado, si Mayor Guo nagbutyag nga siya ang pinangga nga anak sa iyang mga ginikanan human mabuntis sa iyang amahan ang iyang inahan, kinsa maoy ilang housekeeper.
Migawas sa record sa Senate inquiry nga walay birth records sa PSA ang mga ginikanan ni Mayor Guo.
Si Bamban Mayor Guo nalambigit sa POGO firm sa iyang lungsod ug nadiskubre ang pagkatawo niini rason sa espekulasyon nga dili siya tinuod nga Filipino ug Chinese nga espiya.
