Mikatap ang usa ka video sa pagtangtang sa hulagway ni Senate President Pro Tempore Loren Legarda gikan sa Wall of Empowered Women sa Assumption College.
human kini sa pagsaway sa Assumption Student Council (ASC) batok sa papel ni Legarda sa kudeta sa Senado kaniadtong Lunes sa hapon diin si Alan Peter Cayetano napili isip bag-ong Senate President.
Si Legarda usa sa upat ka senador gikan sa kanhi mayoriya nga nagbalhin og alyansa ug mitabang kang Cayetano sa paglingkod sa pwesto aron pulihan si Vicente “Tito” Sotto III.
Sa usa ka opisyal nga pahayag, ang ASC miingon nga giila sa Assumption ang mga kontribusyon ni Legarda kaniadto, apan ang iyang kasamtangang mga aksyon sa politika wala na magpakita sa mga values nga gihuptan sa institusyon.
Gihulagway sa Student Council ang insidente sa taas nga lawak isip usa ka “Senate coup” ug gipahayag usab ang mga kabalaka sa mga journalists, political analysts ug public observers bahin sa panahon sa pag-ilis sa liderato. Kini tungod ang kudeta gihimo sa samang panahon nga ang House of Representatives mibotar alang sa impeachment batok kang Bise Presidente Sara Duterte.
Tungod kay naaprobahan na sa lower chamber sa Senado ang Articles of Impeachment, ang Senado ang magtigom isip impeachment court alang sa husay.
Sumala sa ASC, tungod sa paspas nga pag-ilis sa liderato sa Senado, adunay mga kabalaka nga ang mga proseso batok kang Duterte, kinsa giakusahan sa grave misuse of public funds ug betrayal of public trust., malangan na usab.
