GENERAL SANTOS CITY – Nadugangan pa ang mga balay nga nag self demolish atul sa ika tulo ka adlaw nga execution of the writ of demolition nga gimando ni MTC branch 3 Judge Carolyn Lorenzo alang sa mga residente sa Purok 5 Lanton apopong ning syudad.
Karong adlawa na ang ulahi nga adlaw alang sa pagpatuman sa demolition sa 150 ka panimalay sulod sa walo ka ektarya nga luna nga gimando sa korte.
Subli nga gibalikan sa kapulisan kagahapon sa buntag sa pagpanguna ni Police Major Robert Fores ang labaw sa Makar Police station kauban ang support units sa City Mobile Force Company, SWAT, Joint Task Force ug Bureau of Fire Protection ang nahisgutang lugar .
Matud ni Major Fores nga malinawon ang comand post nga nahimutang sa gawas sa walo ka ektarya nga gikahimutangan sa 150 ka balay nga subject sa demolition.
Gikadugang sa opisyal nga generally peaceful ang lugar tungod boluntaryo nga giguba sa pipila ka residente ang ilang gipuy-an luyo nga nangandam sa ulahing adlaw sa paghatag ug seguredad .
Una nga mipasalig ang opisyal nga ipatuman ang maximum tolerance aron walay matigayon nga kagubot tali sa mga tag-iya ug luna mga myembro sa demoliton team ug sa mga otoridad.
Nasuta nga upat ka adlaw lamang ang gitugot sa korte nga ipatuman ang writ of demolition.
