GENERAL SANTOS CITY – Gipatuman sa The Bureau of Jail Management and Penology (BJMP) sa Purok Lanton, Barangay Apopong ning dakbayan ang hugot nga patakaran sa pagdawat og mga piniriso human nga adunay tulo ka piniriso nga nagpostibo sa COVID 19.
. Nasuta nga usa ka babaye og duha ka lalake nga piniriso ang postibo sa maong virus sulod sa Gensan City Jail.
Nasayran sa imbestigasyon nga sa miaging Mayo 5 mukabat sa 14 ka mga bilanggo nga gilangkuban sa usa ka babaye ug trese ka lalaki ang gi-commit sa city jail gikan sa San Isidro police station.
Gibutyag nga ang babaye ang close contact sa laing bilanggo nga babaye sa San Isidro police station nga nasuta nga positibo sa virus.
Una nga nag -lockdown ang San Isidro Police Station human nga nagpositibo sa corona virus ang ilang detainee.
Sa gihimong testing sa close contact sa maong piniriso may duha ang natakdan sa virus.
Sa 63 ka mga close contacts sa mga bilanggo nga gipailawom sa RT-PCR test nasuta nga pulos negatibo.
Ang tulo ang anaa karon isolation facility samtang ang mga close contacts ang gibutang sa laing gambalay sa city jail.
Sa pagkakaron ilang gipatuman ang isolation og proper health screening sa mga bilanggo gikan sa local police stations aron masiguro ang kaluwasan sa kapin 1,200 ka mga piniriso sa city jail.
