GENSAN- Gimandoan ni P/LtCol. Patrich Elma, labaw sa Traffice Enforcement Unit-Gensan ang kapulisan sa Investigation Section nga magpahigayon og imbestigasyon may kalabotan sa reklamo nga ilang nadawat bahin sa usa ka insidente sa impounding area.
Matud ni Elma, wala nila gitugotan ang bisan unsang buhat nga supak sa ilang mga lagda, ilabina sa mga personnel nga naka-assign sa impounding area.
Gipahayag usab sa opisyal nga aduna na siyay hugot nga direktiba sa mga personnel nga dili magbuhat og mga aksyon nga gidili sa maong lugar.
Apan sumala ni Elma, hangtod karon wala pa sila makadawat og opisyal nga report o direktang reklamo bahin sa maong insidente.
Bisan pa niini, iyang gipasalig nga ipadayon ang imbestigasyon ug kung mapamatud-an nga adunay personnel nga nakalapas o adunay liability, ipatuman ang tukmang disciplinary o legal nga aksyon batok niini
