Gisiguro sa liderato sa Kamara kay Presidente Ferdinand Marcos Jr. nga maaprubahan ang tulo ka priority bills nga gi-identify sa Legislative Executive Development Advisory Council (Ledac)una magtakop ang 19th Congress sa 2025.
Matud ni House Speaker Ferdinand Martin Romualdez, kalabanan sa 25 nga Ledac bills ang naaprubahan na ukon anaa na sa final stages sa completion nga indikasyon nga gihimo nila ang ilang trabaho.
Pahayag ni Romualdez, ang tulo ka nabilin nga Ledac bills nga pending sa Kamara mao ang musunod, una, Proposed amendments to the Foreign Investors’ Long-Term Lease Act , Proposed amendments to the Agrarian Reform Law nga alang sa deliberasyon sa komite ug ikatulo, Proposed amendments to the Electric Power Industry Reform Act (Epira).
Sumala kang Romualdez, adunay lima ka bills nga gidugang sa Ledac list, nga nagpasabot nga ang Marcos administration sa pagkakaron adunay 64 priority legislations.
Ang nabilin nga 23 ka mga sugyot nga wala pay final versions ang aprubado na sa House sa ikatulong pagbasa.
