-- ADVERTISEMENT --
Nangandam ang House prosecution panel sa pagpresentar og dugang pang mga testigo aron mas mapalig-on ang ilang kaso batok kang Vice President Sara Duterte sa pagsulod sa ikaduhang semana sa impeachment trial.
Sa usa ka news forum, gipahayag nila Representatives Leila de Lima ug Chel Diokno nga mas mahimong mabug-at ug mas mosamot ang tensyon sa mga mosunod nga pagdungog.
Matod ni Diokno, sa unang bahin sa impeachment trial ilang gitukod ang lig-on nga pundasyon sa ilang kaso pinaagi sa mga ebidensya ug testimonya.
Dugang pa niya, sa umaabot nga mga pagdungog mas makita na ang nagkalain-laing bahin sa ilang kaso, nga gilauman nilang mas makapukaw sa interes sa publiko samtang nagpadayon ang impeachment trial batok sa bise presidente.
