Gitawag nga bakakon ni Senate President Pro Tempore Jinggoy Estrada si House of Representatives Spokesperson Princess Abante human niini gipasanginlan nga ang Senado matud pa ang nagbasura sa sugyot-balaudnon nga ₱200.00 nga usbaw sa inadlaw nga suholan sa mga minimum wage earners.
Kini human napakyas ang Kongreso sa pag-apruba sa gisugyot nga usbaw sa sweldo sa mga mamumuo sa pribadong sektor human nga wala kini ma-deliberate sa bicameral conference committee aron unta ma-settle ang managlahing bersyon sa Senado ug sa Kamara alang niini.
Nasayran nga P100 ang gisugyot sa Senado nga angayang usbaw sa suhuolan sa mga trabahante.
Sigon ni Estrada, bakakon si Abante ug wala pa usab kini nag-research tungod kay sa miaging tuig matud pa nila napasar ang P100 wage hike bill.
