Giingong timailhan nga adunay dautang mahitabo sa ikatulong State of the Nation Address (SONA) ni Presidente Ferdinand “Bongbong” Marcos Jr. sa Hulyo 22 kung asa seryosong butang nga angay nga imbestigahan.
Kini ang pahinumdom ni Senior Deputy Speaker ug Pampanga Rep. Aurelio “Dong” Gonzales Jr. ngadto kang Vice President Sara Duterte kalabot sa iyang pamahayag nga iyang gitudlo ang iyang kaugalingon isip “designated survivor”.
Matud pa ni Gonzales nga dili kinahanglana sa mga Pilipino ang mga hulga sa kagubot nga makita sa serye sa Netflix diin ang tanang opisyal sa Estados Unidos, lakip ang Presidente, gipamatay sa tinuig nga deklarasyon sa estado sa nasud.
Ug usa sa mga gihinumdom ni Gonzales ang gisulti ni VP Sara nga modagan pagka-senador ang iyang amahan nga si kanhi President Rodrigo Duterte ug duha ka igsuon nga sila si Davao City Mayor Sebastian ug Congressman Paolo.
Gikataho usab nga mihimo og pamahayag ang Bise Presidente nga modagan siya pagkamayor sa Davao City sa sunod eleksyon.
